Па дадзеных інстытута вывучэння вайны, змен лініі фронту не назіраецца, у тым ліку пад Часовым Ярам. Расійскім войскам удалося прасунуцца толькі на ўсход ад Краснагораўкі.
Ва Украіне на фронце на працягу сутак адбылося 115 баявых сутыкненняў. Авіяцыя Сіл абароны ўдарыла па 5 раёнах засяроджвання асабовага складу саперніка.
Кіраўніцтва Адэсы паведаміла, што ў выніку вечаровага ракетнага абстрэлу расійскімі сіламі ў шпіталях застаюцца 23 чалавекі, у тым ліку 12 у вельмі цяжкім стане. Сярод іх чатырохгадовае дзіця.
Паўночнакарэйскія балістычныя ракеты серыі Hwasong-11 выкарыстоўваліся падчас абстрэлу Харкава 2 студзеня, парушаючы эмбарга на пастаўкі зброі з КНДР, заявілі назіральнікі ААН.
Падчас пасяджэння Рады Бяспекі ААН у лютым ЗША як мінімум дзевяць разоў абвінавацілі Расію ў абстрэлах Украіны балістычнымі ракетамі, пастаўленымі КНДР, нагадвае Reuters.
З 2006 года Паўночная Карэя афіцыйна знаходзіцца пад санкцыямі ААН з-за развіцця вытворчасці балістычных ракет і ядзерных праграм, якія з гадамі ўзмацняюцца.
ПР/юл